Ang se mere laga tu ang aise
aaj tu hee bol mere bhi gale se
ang se mere laga tu ang aise
aaj tu hee bol mere bhi gale se
paap ho ya punya ho
maine kiya hain aaj tak kuch bhi nahi aadhe hriday se
paap ho ya punya ho
maine kiya hain aaj tak kuch bhi nahi aadhe hriday se
au na aadhi haar se maani parajay
au na kee taskeen hee aadhi vijay se
aaj main sampoorna apne ko utha kar
avtarit dhvani shabd mein karne chala hoon
ang se mere laga tu ang aise
aaj tu hee bol mere bhi gale se
aur hain kya khaas mujh mein jo ki apne aap ko saakar karna chahta hoon
aur hain kya khaas mujh mein jo ki apne aap ko saakar karna chahta hoon
khaas yeh hain - sab tarah kee khasiyat se aaj main inkaar karna chahta hoon
hoon na sona, hoon na chaandi, hoon na moonga, hoon na manek, hoon na moti, hoon na heera
kintu main aahwan karne jaa raha hoon devta ka - ek mitti ke dale se
ang se mere laga tu ang aise
aaj tu hee bol mere bhi gale se
aur mere devta bhi veh nahin hain jo ke unche swarg mein hain vaas karte
aur mere devta bhi veh nahin hain jo ke unche swarg mein hain vaas karte
aur jo apni mahatta chod satta mein kisiki bhi nahi vishwas karte
devta mere wohi hain jo ki jeevan mein pade sangharsh karte geet gate muskurate
aur jo chaati badhate ek hone ke liye har diljale se
ang se mere laga tu ang aise
aaj tu hee bol mere bhi gale se
chap chuki meri kitabein poorbi aur paschimi dono tarah ke aksharon mein
chap chuki meri kitabein poorbi aur paschimi dono tarah ke aksharon mein
aur sune bhi ja chuke hain bhaav mere desh aur pardesh dono ke swaron mein
par khushi se naachne ko paanv mere…
par khushi se naachne ko paanv mere us samay tak hain nahi taiyar
jab tak.. geet apna nahi sunta kisi gango-jamun ke teer phirte baawle se
ang se mere laga tu ang aise
aaj tu hee bol mere bhi gale se
Popularity: 97% [?]
